Er Steingrímur joð frjálslyndur ?

jæja...

Ég rakst á blogg hjá Viðari Helga Guðjohnsen sem er í 5. sæti hjá Frjálslyndum í Reykjarvíkurkjördæmi suður. Þar var áhugaverð færsla hjá honum um ræðu sem Steingrímur J. Sigfússon flutti 1993. Í þeirri ræðu kemur eftirfarandi fram:

,,Það gefur auga leið að minni háttar hræringar, hæringar sem ekki merkjast þegar stórþjóðirnar væru að telja upp hjá sér, gætu sett allt úr skorðum á Íslandi. Það þarf ekki annað að gerast en það verði vinsælt á Spáni eða í Portúgal að fara í fiskvinnslu til Íslands og menn ryðjist hingað inn og bjóðist til að vinna hér fyrir miklu lægra kaup. Það þarf ekki nema bara að íbúar í tveimur til þremur blokkum í Lissabon kæmu hingað til þess að ójafnvægi gæti skapast á íslenska vinnumarkaðnum. Portúgalar hafa unnið hér í fiski og þekkja það vel. Þeir eru ágætir starfsmenn. En því miður eru laun í því landi svo lág að það væri ástæða til að óttast að þeir kynnu að telja sér fært að koma hingað og vinna fyrir miklu hærra kaup sem Íslendingum hefur þó tekist að berja hér upp og er það þó ekki mikið.”

Ekki getur verið að Steingrímur sé svona fljótur að gleyma því sem hann segir. Ætli hann meini eitt en segir annað. Allavegana finnst mér þessi ummæli nokkuð léleg og finnst að Steingrímur eigi að fara sér hægt þegar hann gangrýnir innflytjendastefnu Frjálslyndaflokksins þar sem hann virðist ekki ganga heill til skógar í þeim efnum.

Ég er ekki sammála stefnu Frjálslyndra í innflytjendamálum en finnst mér að við eigum samt sem áður að ræða málefni innflytjenda þar sem öll fræðsla og umræða  er af hinu góða og slær á fordóma.   

Athugasemdir

[Júlía Margrét Einarsdóttir, 13.4.2007 kl. 23:53]

ésús!!

maðurinn setur bara upp það andlit sem þykir töff hverja stundina.

mér þykir hann falskur. ég ætla að stelast til að copya þetta og setja það á mitt blogg.