Jón og biðlistanir!

Jón Sigurðsson formaður framsóknarflokksins er nú meiri brandara karlinn! Í kosningarsjónvarpi Stöðvar 2 í gær var hann spurður

"Hvernig finnst þér taka við því búi eftir 12 ára samstarf stjórnarflokkana að hérna séu biðlistar á biðlista ofan? "

Jón svarar "Mér finnst mjög gott að taka við þessu búi. þetta er gott bú, biðlistarnir hafa verið að þróast og breytast" hvað meinti hann með þessum orðum? Við vitum öll að biðlistar hafa aukist til muna í tíð núverandi ríkisstjórnar. Flestir nefna að velferðarmálin séu aðal kosningarmálin nú í vor og er það ekkert skrítið. Skil ég því vel afhverju fylgi framsóknar mælist svona lítið.

Jón heldur áfram að ræða um biðlistana og verður klaufalegri og aumkunarverði með hverri setningu. hann er svo spurður "(biðlistanir) eru ekki að styttast ?" Jón svara "Sumir þeirra hafa styst" svo kemur alveg óskiljanleg setning frá honum varðandi biðlista "Það er ekki aðalatriðið að það sé biðlisti heldur hversu lengi einstaklingur þarf að bíða og að þar sé ekki  fólk í nauð" Heldur Jón í alvöru að þau 170 börn og fjölskyldur þeirra sem bíða eftir 1. komu á Barna og unglingageðdeild séu ekki í nauð? Af þessum 170 eru um 20 eða 30 í brýnni nauð. Svo er biðtíminn um 1 og hálft ár. Er það eðlilegt?

Svo er hann spurður hvaða biðlistar hafa styst þá segir hann " Það hafa ýmsir biðlistar styst ég hef ekki þau nöfnin á reiðum höndum......... en það hafa nýjir hópar verið að koma í þetta"

Þetta er nú afspyrnu lélegt hjá honum jóni, að geta ekki nefnt hvaða biðlistar hafa styst þar sem hann  fullyrðir það. Auðvitað hafa komið nýjir hópar það eru um 1000 íslendingar á biðlista.

Viljum við þetta?

Ef þið viljið fræðast meira um biðlista klikkið þá hér.

 

Athugasemdir

[Stefán (IP-tala skráð) 3.5.2007 kl. 15:44]

Jón er flón - og það eru eftirlifandi stuðningsmenn Framsóknarflokksins líka

Stefán

[Þorsteinn Sverrisson, 3.5.2007 kl. 21:03]

Sæll Páll. Hvernig stendur á því að biðlistar hafa lengst þegar framlög til velferðarmála hafa aukist um næstum 40% á kjörtímabilinu? http://www.steinisv.blog.is/blog/steinisv/entry/194967/

Þessir peningar hljóta að hafa farið í einhver þörf mál. Verða ekki alltaf biðlistar einhversstaðar. Mér finnst þetta ekkert svo heimskulegt hjá Jóni. Auðvitað er það hárrétt hjá honum að það skiptir meira máli hversu lengi fólk þarf að bíða heldur en hvað röðin er löng. Ég vil frekar fara í 100 manna röð sem klárast á viku en 50 manna röð sem klárast á mánuði. Óþarfi að gera lítið úr því.

[Páll Einarsson, 4.5.2007 kl. 11:30]

Sæll Þorsteinn, 

Forgangsröðunin er röng að mínu mati. Þú ættir einnig að beina þessari spurningu til Sivjar frekar en mín. Ég geri mér grein fyrir að við náum líklegast aldrei að útrýma alla biðlista sérstaklega ekki eftir vanrækslu síðustu ríkisstjórnar í 12 ár. En ég trúi því að við getum undir forystu Samfylkingarinnar gert mun betur í baráttuni við biðlista.

Þú segir "..það skiptir meira máli hversu lengi fólk þarf að bíða heldur en hvað röðin er löng." Þegar ungmenni með geðræn vandamál þurfa að bíða í allt að eitt og hálft ár eftir þjónustu tel ég það vera mjög svo óviðunandi. Tel ég að við ættum að geta gert mun betur í þessum efnum. En metnaður Framsóknarflokksins er enginn. 276 börn með margvísleg þroskafrávik bíða eftir greiningu hjá Greiningastöð ríkisins. Biðtími er allt uppí 3 ár.

Trúi því vel að þú viljir vera í 100 manna röð sem klárist á viku en 50 manna röð sem klárast á mánuði. En þetta eru skeliflegar staðreyndir. Að börn þurfi að bíða í allt að 3 ár.

Við þurfum að átta okkur á því hvaða áhrif það hefur á alla fjölskyldu þess barns sem þarf að bíða eftir aðstoð. í sumum tilfellum hætta foreldrar að vinna til þess að vaka yfir barni sínu. Sum börn fá ekki þá greiningu sem þarf til þess að geta gengið sína skólagöngu með aðstoð.

Þetta er skammarlegt.

kveðja,

[Þorsteinn Sverrisson, 4.5.2007 kl. 16:58]

Sæll aftur Páll. Já það er skelfilegt ef mikið veikt fólk þarf að bíða svona eftir áríðandi þjónustu.  Ég er bara stundum að velta fyrir mér hvort þetta sé bara peningaskortur eða hvort um stórnunarlegt vandamál er að ræða að einhverju leyti. Eins og ég segi finnst mér með ólíkindum ef opinber þjónusta versnar þegar fjármagn til hennar er aukið svona mikið!  Í mínum huga er ljóst að ef vinstri flokkarnir hefðu stjórnað hér síðustu ár þá hefði ekki verið hægt að auka framlög í til heilbrigðismála jafn mikið. Atvinnulífið hefði þá ekki skaffað eins miklar tekjur í ríkissjóð vegna þess að þá hefði skattaumhverfinu ekki verið breytt eins og gert hefur verið.